На главную страницу 
cделать стартовой   в избранное  



Культурно-просветительская газета татарской общины Республики Мордовия

Мордовия - Информационный портал Республики Мордовия - Морис.ру

Мелькужо Эрзянь Мастор - Форум Страна эрзян, эрзянский форум

Голос Эрзи


Литературанть велькссэ седе товгак кирвазест од тештть.

Кодат стакат иляст уле шкатне, Мордовиянь Сёрмадеень вейсэндявксось ламо теи од сермадеень семинартнэнь ютавтомаст туртов. Сынь эрсить эрьва иестэ. Те паро коесь апаколь кола тедедеяк. Малав 50 од поэтт ды прозаикть ноябрянь 20 чистэ пурнавкшность Саран ошонь Культурань центрасонть. Сонзэ эйсэ весемеде покш инжекс ульнесть сеть, кинь эрямост педе-пев сюлмавозь литературанть марто. Ютксост П. Любаев, А. Тяпаев, И. Калинкин, Ч. Журавлев, Ф. Андрианов ды лият. Сынст пельде тонавтнемс одтнэнень.

Семинаров пурнавозтненень шумбрачинь арсемат ёвтасть Мордовиянь Госсобраниясо культурань коряс подкомитетэнь прявтось А.Горбачев, печатень ды информациянь министрась В. Маресьев.

МР-нь сёрмадеень Сюлмавксонь прявтось А. Доронин невтсь сень лангс, кодамо эрямос минь пачкодинек. «Пекстындерямс эсь прянть кудос, а лиснемс тосто зярыя чить ды ваномс ансяк телевизор, курок, секень вант, марясак эсь прят превстэ лисезекс. Тосо нетяно ансяк «рудаз», манчемат-кенгелемат ды кежть. Мерят, эрямосонть мезеяк эзь кадово паро ды валдо».

"Литературась ломаненть теи ломанекс, каи оймезэнзэ паро, ванькс ды шумбра. А карминдеряй сон, ломанесь допрок идемгады. Секс эряви весемесэ лездамс стямс тензэ пильге лангс. Зярс те а неяви. Меельце шкастонть художественной произведсниятнень таркас кармасть нолдтнеме книгат башка заказонь коряс. Мезесь седеяк апаргавтни ёжонть, - мерсь седе тов А.Доронин, - Пек аламо нолдавить од автортнэнь пурназь книгат."

Теньстэ ушодызе кортамонзо филологической наукань кандидатось, М. Е. Евсевьев лемсэ пединститутсо тонавтыцясь Е. Азыркинаяк. «Икелень азоравасто литературась велявтсь Золушкакс. Шкань ютазь, ломантне, секень вант, аламонь-аламонь лоткить арсемеде эрямонь питнейчитнеде, сынст превсэ ды седейсэ а кадови тарка литературантень, ды сон лотки сынст эйсэ сыргозтеме паронтень бажамонть, сестэ сон кулы допрок...» Учёноенть валонзо алкукс а кенярдовтыть. Оймавтни се, зярс тевесь эзь пачкоде тенень. Литературась эри ды кадык стакасто, моли икелев. Виде, вере тёкшт а сайни. Сон, кода мерсь Е. Азыркина, истямо, кодатано минсь. Теке марто сон ламо шка явсь сеть книгатнень ды сборниктнень ванкшномантень, конат лиссть тедеде. Меремс, сындест аволь пек ламо. Зярыя поэзиянь пусмот (А.Тяпаевень «Алянь мода» - мокшокс, Ч. Журавлевонь «Арсемань пакся» - эрзякс, В.Ващалкинэнь «Певучая купель», А.Громыхинэнь “Нежность» ды Ю. Скрипкинэнь «Долина жизни» - рузокс). Челябасо лиссь П. Любаевень «Поясок» стихень пусмозо.

Седе беряньстэ аштить тевтне прозасонть. Литературась икелень коряс пек чамсь. Арасть истят сёрмадейть,конат маштовольть невтемс неень шкань эрямонть истямокс, кодамо сон ули. Иень перть лиссть прозань ансяк кавто книгат. Те - Нуянь Видязонь «Иень тюст» ды рузокс сёрмадыцятнень «Надежды светлые шаги» сборникест. Очеркень сборникть нолдасть И. Калинкин («Верность Родине») ды Р. Щанкина («Уцяскань сёлмот»).

Полавтови эрямось, мартонзо полавтови литератураськак. Сон «сэреди» секеть жо ломанень орматнесэ. Секс полавтовсть тематне, сюжетнэ. Натой истямо ёжомарямонть, кода вечкемась, неень шкань автортнэ панжить эсест ладсо, од койсэ. Сеедьстэ те ванькс, валдо ёжомарямось невтеви истя, ломаненть эйсэ сыремти ансяк нулгодема.

Кулома лангсо ашти минек драматургиясь. Тиринь кельсэ пьесань сермадыцясь, ловт, ськамонзо - В.Мишанина. Лиятне те жанранть а токшить овсе. Мекс те лиси? - кевкстни ученоесь ды таго кевкстемасо толкови: «А, паряк, тиринь валось ёмавтызе виензэ?»

Зярс тиринь келенть нардензэ ванстыть ды кирдить «Сятко», «Мокша», «Чилисема» «Якстерь тяштеня» журналтнэ. Сынст лопатнесэ творчествантень васенце эскельксэст тейнить одтнэяк. Сермадома тевсэнть виень варчницят зярс улить. Ламотнень произведенияст лиснесть уш аволь вестькак. Парсте пряст невтизь истят од ломантне: Т.Лияскина, О.Ошкина, Л.Рябова, О.Сусорева, Т.Мокшанова, К.Сабайкина, Н.Мичерина, Ю. Миронова, М.Аникина, Д.Александров, Т.Рыжкина, Д.Абрамов, В.Пятин, О.Пашуткина ды лият. Весемезэ сакшность 15 эрзянь од ломанть (рузонь - 26). Чарькодеви, аволь эрьванть эйстэ лиси сёрмадей. Ды ялатеке те максы кемема: литературанть сы шкань уцясказо допрок а чополгады. Сонзэ велькссэ седе товгак кармить кирваземе од тештть.

Р. Щанкина,

Саран ош



Виртуозы лжи

Подписка

Объявление-яволявтома

Вести из Украины. Конференция порабощенных народов.

В западноукраинском городе Ривне состоялась выставка "Эрзянская книга"



Муезь ине Эрьзянь скульптуранзо.

Литературанть велькссэ седе товгак кирвазест од тештть.

Почему сбежал звонарь или открытое письмо отцу Алексею.

Конай Дригасто Фомин дружинакс.

Вешнян Карл Марксонь.

Есть такая партия?

Открывали страницу "ЭМ" в Интернете.

Загадка атемарского камня.

Империя и окраина.

Нижний Мывал:название, история

Фальшивые ноты фестиваля

Фестиваль - чачомань моровтомо



главная новости архив номеров ссылки гостевая книга