На главную страницу 
cделать стартовой   в избранное  



Культурно-просветительская газета татарской общины Республики Мордовия

Мордовия - Информационный портал Республики Мордовия - Морис.ру

Мелькужо Эрзянь Мастор - Форум Страна эрзян, эрзянский форум

Голос Эрзи


Конай Дригасто Фомин дружинакс.

Поезд васенцеде неинь кеменьшка иесэ, Пензань томбале Канаевка (эрзякс Кунуёв) станциясонть. Апак тонадовт вакска ютыця машинанть (паровозонть) пиже-ожосо вешкстамодонзо натой озавкшнынь тарказон. Кунуёвонть эйстэ Суранть томбале сэрей пандо чамантень педясь седикелень мокшонь Колдаис. Пандонть прясто тесэнь сэрей цитькс виртнень пачк чугунканть ютамо тарказо васолдо неяви-маряви Пензанть пельде Самаранть пелев поревть янокс: велькссэнзэ васня неезеви ютыця поездэнть качамнезэ, мейле маряви гайтезэ, мейле лиси икелеть сонськак. Зярдо арасельть а радио, а телевизорт, весе кулятне тезэнь пачколесть самай те чугунканть вельде, сонзэ эзга ильтякшнызь тесэнь паксятнесэ кастозь сюротнень, велетнесэ трявт ракшатнень, «япоцкой», «ерманской» ды лия войнатнесэ тюреме од цёратнень.

«Пензенская энциклопедия» изданиясь (М., 2001) Кунуёвдонть пачти: «Основано в нач. 17 в. В 1623 здесь была мордовская деревня Кангуж и Кунаевский бортный ухожай, в 1687 земли у мордвы «отнял насильством» служилый мордвин Дружина Фомин, от него они перешли к Савва-Сторожевскому монастырю» (228-це л.). Ды седее тов: «Название, скорее всего, антропонимического происхождения. Ср. мужские дохристианские имена: у чувашей Камай, Каней, у мордвы – Анай, Конак».

Суранть перька алов пандт керьксавсть мокшонь Ташто ды Од Яксаркс, Селикс; обед ёнов – эрзянь Турдак, Ташто ды Од Моцем, Наксафтум ды ламо лия велетне. Ловт, эрьвасонть эйстэст эрить Конайть. Оно, ансяк минек Эрьмеесонть эрить Конай Коля, Конай Лиза, Конай Маня – Конай Дригань цёранзо ды тейтерензэ, - улить лия Конайтькак. Маряви, энциклопедиянть анокстыцянзо теде а содыть, Кунуёвонть лемензэ мекс-каня вешнить… ветькень кельстэнть.

Кадык вешнить, косто мелест, - те тевесь сынст. Мон арсезевинь лиядо. Тенян, зяродо миизе эли симизе эрзятнень эли мокшотнень кедьстэ «вийсэ нельгевть» Кунуёвонть Хомань Дружина? Эли, паряк, кисэнзэ макссть урядникень эли околоточноень кондямо меньгак беряньчина тарка, ды ней нуцьканзо-раськензэ вешнемс эряви неень шкань реформатортнэнь-демократнэнь ютксо? Эли Кунуёвонть кедьстензэ эсензэ лацо нельгезь нельгизь?

Служатано, служатано…, Кунуёвтне бокасот. Мейле абунгалетяно:, кода ды мекс Шемешейтне велявтыть Самышовка-Камышовка-Мышовка-Мышкинакс, а минсь – Фомин Дружинакс?



Виртуозы лжи

Подписка

Объявление-яволявтома

Вести из Украины. Конференция порабощенных народов.

В западноукраинском городе Ривне состоялась выставка "Эрзянская книга"



Муезь ине Эрьзянь скульптуранзо.

Литературанть велькссэ седе товгак кирвазест од тештть.

Почему сбежал звонарь или открытое письмо отцу Алексею.

Конай Дригасто Фомин дружинакс.

Вешнян Карл Марксонь.

Есть такая партия?

Открывали страницу "ЭМ" в Интернете.

Загадка атемарского камня.

Империя и окраина.

Нижний Мывал:название, история

Фальшивые ноты фестиваля

Фестиваль - чачомань моровтомо



главная новости архив номеров ссылки гостевая книга