На главную страницу 
cделать стартовой   в избранное  



Культурно-просветительская газета татарской общины Республики Мордовия

Мордовия - Информационный портал Республики Мордовия - Морис.ру

Мелькужо Эрзянь Мастор - Форум Страна эрзян, эрзянский форум

Голос Эрзи


КУЛЯТ Йовлань Олонь (В.Ромашкин) лемсэ «Этно» кудосто

Суньдерьковонь 18-це чистэ Кочкур буень Вирь Тавла велень «Этно»- кудось вастась инжеть. Инжетне питнейть. Сынь Саран ошонь омбоце номер эйдень артомань кужонь викшнема тевентень тонавтницят. Ветицяст Мордовия Республикань эрзянь, мокшонь койсэ содавикс викшнецясь, тонавтыцясь Татьяна Гвоздева. Те сонзэ мельс сась теевемс содавиксэкс В.Ромашкинэнь музеенть марто, седе домкасто невтемс эйкакштненень эрзятнень эрямо лувост, коест-кирдаст викшнемасо, кудоютконь тевсэ, морамосо ды ярсамопелень анокстамосо. Мартост истя жо сась содавикс мастерэсь-художникесь Мордовия Республикань заслуженной художнкесь А.Занкин.

Те эрявиця ушодкс. Смустезэ домка. Артома кужонь тонавтницятне аволь ансяк эрзянь ды мокшонь раськень ломанть. Тень лангс апак вано сынь паро мельсэ тонавтнить эрзянь ды мокшонь викшнема тевентень. Ансяк «кабинетной» тонавтнемась а максы чарькодема ды ежомарямо. Секскак эряви эсеть сельмсэ неемс, эсеть пилесэ марямс ды эсеть кедьсэ токамс. Истямо тонавтомась седе лезэв. Тень весе паро мельсэ анокстызь «Этно»- кудонь важодицятне ды Пакся Талва «Толава» фольклорной куронь морыцятне Н.М.Суняйкина, О.В.Коянкина, К.В.Вавилина. Сынь анокстасть эрзянь эрьва кодат каванямот: прякинеть, пачалксеть, чапамо ловсо, пуштань алт ды лия мезе конатне ульнесть пидезь -панезь музеень каштомсо. Пакшатне паро мельсэ кунсолость Тавла веленть историядонзо, эрицядонзо, чувтосто керсицядонзо, «Этно»-кудонь аволь умонь азордонть, «Торама» ансамблянь теицядонть Йовлань Олодо (В.И.Ромашкиндэ). «Толава»-нь морыцятне морасть зярыя кезэрень эрзянь морот, евтнесть седикелень авань оршамопельде, невтнесть тешкстнэнь ды панжсть сынст смустест. Эйкакштне марясть пряст теке эсест покштяст- бабаст кедьсэ. Валдо кеняркс валовсь чамаст-сельмест ланга. Меельцекс гайгезевсь «Торама» ансамблянть ды Йовлань Олонь вайгелезэ. Марявсь, эйкакштне а лекситькак, кода кунсолость «Тюштя» моронть. Лисни, бути аволь мельде-прява теемс тевенть, сестэ а кармить аштеме кевкстемат: эряви—а эряви ошонь школасо тонавтомс эрзянь, мокшонь кельтне, раськень историясь ды культурась.

Секскак пшкадтяно школань прявтнэнень, тонавтыцятненеь, эйдень кужонь прявтнэнень, тонавтыцятненень ды весенень, кинь оймезэ а уды. Садо Вирь Тавла велень Йовлань Олонь лемсэ «Этно» - кудов, тесэ эри эрзянь ежось. Учотано паро мельсэ. Вейсэ арсесынек ды топавтсынек тынк меленк. Гайневтеде 89053786776 телефононть вельде.

Йовлань Олонь лемсэ «Этно»-кудонь прявтось:

П.Рябов (Калаганонь Керяз)



Мордовские власти уничтожают эрзянский язык

Новый вариант ответа министра

В Саранске проходила конференция, тема: «Создание единого мордовского языка».

О месте проведения 3-це Эрзянь Инекужо- 3-го Конгресса эрзянского народа в июне 2009 года

Положение о проведение выборов делегатов на 3-й Эрзянский национальный конгресс (далее – Конгресс)

Постюбилейное

А я иду—шагаю по …

ЭРЗЯНЕ НЕ ЖЕЛАЮТ ТЕРЯТЬ НАСЛЕДИЕ ПРЕДКОВ

Мерянское наследие. Лев Сазонов

О чём рассказал камень?

Село и церковь

Финно-угорскую этнофутуристку признали Женщиной года

«Шумбрат, эрзянь раське!»

Фонд "Пургаз"

ВЕРЕПАЗОНЬ КАЗНЕ

Мезе,цёрат, моратано?!

КУЛЯТ Йовлань Олонь (В.Ромашкин) лемсэ «Этно» кудосто

Сегодня я говорю на эрзянском! Течи мон кортян эрзякс!



главная новости архив номеров ссылки гостевая книга