На главную страницу 
cделать стартовой   в избранное  



Культурно-просветительская газета татарской общины Республики Мордовия

Мордовия - Информационный портал Республики Мордовия - Морис.ру

Мелькужо Эрзянь Мастор - Форум Страна эрзян, эрзянский форум

Голос Эрзи


САРАН ОШОВ САКШНОСЬ... 1 ПЕТР ИНЯЗОРОСЬ?

Аламошкас пейдекшнетяно!

***

Тедеде эйзюрковсто Саранов тетянзо марто сакшнось шоу-бизнесэнь королесь-артистэсь, болгаринэсь Филипп Киркоров. Теде икеле телевидениясо, радиосо ды, паряк, весе тесэнь газетатнесэ мольсь реклама, кода сон минек ошов самодо мейле, инязоронь ёнов молиця оршавкссо туи весень мельс. Сонзэ эрьва косо невтсть те оршавксосонть. Улить кортамот: те артистэсь лисни истя оршазь лия таркасояк. Мекс Саранскойсэ?

Вастневить ломанть, конат ловить, келя, Петрань тетязо эрзянь ломань, Никон, Россиянь Патриархось. Теде икеле сермадсь теде Алексей Толстой сермадеесь. «Знание» вейсэндявкссо, эли комсомолонь обкомсо, стувтыя, важодемстэ минь ильтиник кудов кодамо бути областьстэ сазь делегация. Монень савкшнось совамс ресторанс, сыненст аравтозь ярсамо таркаст невтеме. Тов совазь, капшазь молян ёвтазь тарканть ёнов. Апак учо вейке столенть экшсэ, косо аштесть содавикс аваломанесь ды минек республикань Министрань Советсэ Историянь, Келень, Литературань ды Экономикань научно-исследовательской институтонь икеле шкань директорось, марян валт:

- Озака ваксозонок.

- Арась шкам, - мерян теньст.

- А тон а содасак кие ульнесь Никон Патриархось? - пшкадсть монень.

- Содаса, - мерян.

- А тон а содасак мезть тейнесь Петр 1 инязорось, кода винадо пек иредекшнэсь. Озадо, - мерсть сынь монень, столь экшсэ таркань невтезь. Мезе теемс? Савсь озамс.

А сон, Петя императорось, ваксонзо аштиця ломаненть мештте саезь, кармась сорновтнемензэ. Сонсь кевкстнесь:

- А тон, ёвтык, кие монь тетям?

Витькстан, монськак марсинь: зярдо те инязоронть кияк кевкстелизе, кие тетязо, сон ёвтыль - а содан. Зярдо инязоронть тетязо Алексей инязорось арасель Московсо, тукшнось Ливонской войнав, аванзо перька чарасть ламо цераломанть. Содатано: Ливонской войнасо инязоронть улемстэ ваксонзоль Никон Патриархоськак. Пек маласоль. Сонзэ мик Алексей яволявтокшнызе «Россиянь государекс». Пушкин лемсэ национальной библиотекасо ули Никононь портрет марто книга. Кодамо сон цёрась мазыель, пароль! Монень умок уш савкшнось улемс Кремлянь Патриаршей палатасо. Сестэ тосонь экскурсоводось неть шкатнеде истя ёвтнесь: инязорось оятоль патриархонть марто. Ансяк мекс-бути войнасто велявтомадо мейле сон патриархонть Кремлясто панизе.

Ней таго Киркоровдо. Ламот арсесть - сон Саран ошов а сы. Ды а савияк. Алтазь шкастонзо туевкшнэсь лия масторов. Ансяк сон топавтызе валонзо: невтизе Саранонь ломатненень алтазь «1 № Шоунть». Ваныцятненень мельс туемань кис нилексть полавтовкшнынзе оршамопелензэ эсензэ «царской» гардеробсто. Теде башка, домкасто арсезь сценариянзо коряс, теке Петр 1, тейсь капшазь ютамо весе РДК-нь залонть перька. Теке шкасто пурнынзе балягань пусмотнень ды казнень лия урожаенть. Сцена лангс моро марто лиснесь «казнекс» паро ваныцятненень, Киркоровонь тетязояк, «Болгариянь сырнень вайгелесь», мерсь «Мон вечкса Мордовиянть». 35 иеде икеле моро марто ютынзе тесэнь ламо велетнень. Истя сермадозель те концерттэнть «Известия Мордовии» газетасонть 2009 иень мартонь 14 чистэ.

Монь койсэ, истят а паро кортамот, ине инязоронь семиядо молить, мик артистнэнь ютксояк, аволь ансяк Сарансо—Московсояк. Киркоров, сынст содазь, тесэ, косо ней стявтызь Никоннэнь памятникенть, учось седе сюпав вастома. Ансяк фатясть, арась тезэнь Сарансо!? А содатано. Мекс эно концертэнть прядовоманзо мейле ваныцятне сеск стувтызь Киркоровонь, арасть очередьс автографонь саеме сэтьмесэ залсонть аштицянь Олег Маскаевень, рингень короленть, кедьстэ?

Петр Казаков, Саран ош



Администрация Президента Российской Федерации

ОНИ СОЗДАЛИ «МАСТОРАВУ»

Совместное заявление Всемирного курултая башкир и Всемирного конгресса татар

= П О Д П И С К А =

Инекужо. очерк

Русь, кто они?

И ВМЕСТЕ И ВРОЗЬ . . . ЛЕВ САЗОНОВ, Г. САРАНСК

Дмитрий Таганов - ... украинец?

= ЛЮДИ, ОДУМАЙТЕСЬ! =

Финно-угорский вопрос России вновь выплеснулся на украинское телевидение

Ленобласть уничтожает вепсские школы

Язык родной, поведай нам слова... Ротанова Татю

САРАН ОШОВ САКШНОСЬ... 1 ПЕТР ИНЯЗОРОСЬ?

Фонд «Пургаз»



главная новости архив номеров ссылки гостевая книга