На главную страницу 
cделать стартовой   в избранное  



Культурно-просветительская газета татарской общины Республики Мордовия

Мордовия - Информационный портал Республики Мордовия - Морис.ру

Мелькужо Эрзянь Мастор - Форум Страна эрзян, эрзянский форум

Голос Эрзи


ЛЕДСТНЕМАТ. Петр Казаков

мини-пьеса Пуркаев генералдонть

1. Пуркаев Максим Алексеевич, эрзя, Советской Союзонь содавикс ушмодей-полковедец.

2. Анна Николаевна, Пуркаевень низэ.

3. Невтевить сцена лангсо лия ломанть - маршалт ды генералт: Жуков, Василевский, Баграмян, Болдин ды лият.

4. Астайкин И. П., Мордовия Респубикань прявт- ломань.

5. Краеведиянь музеень важодиця ава.

6. Пуркаево (Пичеле) велень васенце зриця.

7. Пуркаево (Пичеле) велень омбоце эриця.

Поладкс. Ушотксозо "ЭМ" 362 (18) №

КОЛМОЦЕ НАЛКСЕМА

Генералось лиси. Аламо шкань ютазь сови лия.

Лия генерал. (Маряви те Болдин). Вана монгак маринь кортамот минек Пурваевде. Сон минек Калининской фронтонь командущеексэль. Мордовиянь Дубинькань буестэ ламо истят геройть. Мон монсь рузонь Петровка велестэ. Шабрасонок Дубинька, Орданьбуе, Пичеле (Пуркаеевень чачома тарка), Кобале ды лия эрзянь велеть. Улить пельс эрзянь-рузонь велеть. А мезть а кортамс Румянцев-Задунайскойде. Сон эрясь истямо вейке эрзянь-рузонь велесэ, аштесь имениянь кудозояк, стявтозель умарь пиресэ. Cон прянзо, васняяк, невтизе масторонь кис аштиця ломанекс.

ОМБОЦЕ ПЕЛЬКС

Кудопотмо. Вальмаванзо шкань-шка ендолкс валдомты Московонь Кремлянь силуэтт. Морга экшсэ сельмукшсо ашти М.А. Пуркаев, ловны кодат-бути коневт. Ваксонзо стулонть удалкс лангсо понгавтозь погон марто генералонь кителезэ.

ВАСЕНЦЕ НАЛКСЕМА

Сови низэ Анна Николаевна.

Анна Николаевна. Ушосо пиземе. Кандынь теть ормаменсть. Симть.

М.А.Пуркаев: Кха-кха! Симема шкаст сась. Сюкпря. Монень эряви ванды туемс важодема тарказон—Военной министерствань тонавтнема таркатнень ветявксос. Течи ежом маряса исенцеде вадрякс. Тонь ней кодат тевтне?

Анна Николаевна. Важодян икелекс - ормаменьксэнь ветямкуросо. Теке а содат...

М. А. Пуркаев. Важодемат аволь шождынетнеде...

Анна Николаевна (пейдезеви). Икелень кондямо. Тевть, тевть...

ОМБОЦЕ НАЛКСЕМА

Сови Василевский А. М маршалось.

Василевский A.M. Маринь - окойники сыть важодеме Московов. Мелем сась варштамс лангозот. Вана совиньгак. Зяро иеть ютасть! Шумбрачи весенень!

Анна Николаевна. Максим Алексевичень зярдояк шказо арась оймсемс. Ней уш, койсэм, учовсь истямо шкась.

Василевский A.M. Максим Алексеевич, тон кучозелеть Васоло Чилисема ёнов фронтонь командущеекс. Японецтнэ свал бажасть кирдемс границянок лангсо ламодояк ламо вийть—каявомс масторонок лангс. Кемевтсть немецень фашистнэнь: сынь свал анокт ушодомс война Советэнь Союзонть каршо. Седеяк пек, зярдо теизь Монголиясо Манжоу-Го марионетка государстванть, Минек маласо кирдсть Квантунской армиянть. Те ансяк лемдезель армиякс. Алкуксчисэ эйсэнзэль Япониянь вооружениянь колмоце пельксэст — танкаст, пушкаст ды лия мезест. Эрявсь аравтомс тей командущеекс вадря, войнань содыця ломань. Секскак тезэнь аравтозелеть тон. Теяк, вишка пингеткак тесэ ютась, касытькак тесэ, Сибирьсэ. Тетяткак калмазь Якуткс ош маласо. Сибирьсэ, Васоло Чилисема Ёнксонть содылинк а беряньстэ. Войнань тевтнень содылить. Весень марто чавиде немецтнэнь Московонтень эцемстэст.

М. А. П у р к а е в. Илядо пек шна. Асатыксэньгак аволь аламо.

КОЛМОЦЕ НАЛКСЕМА

Сови генералонь погон марто ломань.

Пуркаевень низэ сцена лангсто туи.

Генералонь погонсо ломань. Шумбрачи, васняяк! Нолдынк чумом, апак кевкстне совинь. Маринь, Максим Алексеевич, тон сыть важодеме Московов. А шождатольть сестэ Васоло Чилисема Ёно минек масторонь тевтне.

Василевский А.В. Стакальть. Седе а ков. Эдь самурайтне секе тев вешнесть тувтал каявомс масторонок лангс.

Генералось. Максим Алексеевичень тов самодо икеле мон ульнинь тосонь прявтовкс фронтонь командованиясо. Килангсо вастыкшныя Максим Алексеевичень. Мейле уш Хабаровскойсэ, весемеде ёвтнинек, невтинек кода, мезе теинек, анокстынек масторонок ванстомга. Эрявсь свал прянок невтемс - минь войнавтомо, минь мирэнь кис. Теньсэ Японияньгак кармавтынек вадрясто, войнавтомо, прянзо кирдеме. Максим Алексеевич шнакшнынзе истят тевенек. Мельганок сон поладынзе ды аволь беряньстэ. Самурайтненень кодаткак тувталт— топавтомс эсест мелест—эзь макст. Тень кувалма весе границань кувалт, ламо вайгельпень келесэ чувозельть траншеят, тейсть ушмонь нардев таркат—укрепленной районт. Теке шкане войскатнень тонавтсть войнань тевс.

Василевский А.В. Немецень фашистнэнь изнямодо мейле икеленек стякшнось кевкстема: кода улемс Япониянть марто? Америкаськак вешсь миненек—каявомс Япониянь ушмонзо лангс, панемс ушмост Китайстэ, олякстомс одс саевть усиятнень. Правительстванок макссь вал - Япониянть каршо ушодомс войнанть колмо ковонь ютазь. Тень кисэ Хабаровскойсэ пурназель од штаб, прявтокс аравтовозелень мон. Тей кучозельть ламо содавикс маршалт, генералт, теезельть од фронтт. Максим Алексеевич кармась улеме Омбоце Васоло Чивалгома Ёно фронтонь командующеекс. Московсо Верховной Командующеень Ставкась капшавтсь неть тевтнень тееме. Окойники яволявтозель чись, зярдо каявомс Япониянь ушмотнень лангс. Американь Сюлмавозь Штатнэ эрьва кува невтсть пряст - эдь ансяк сынст ушмост чавить, панить Япониянь ушмонзо. Максим Алексеевичнень савсь ветямс изнямос лия ушмотнень ды тюрематнень Квантунской Армиянть марто, лияткак Китайсэ тюремат. Седе тов мольсть верень валомат усиятнень саемга. Мон кортынь Мерецков маршалонть марто. Сон аравтозель Забайкальской фронтонь командущеекс. Мерецков ёвтась Максим Алексеевичте вадря валт.

Сови Анна Николаевна.

НИЛЕЦЕ НАЛКСЕМА

Анна Николаевна. Туема шкат, эзик стувто?

П у р к а е в М.А. (Сетьместэ) Арась.

Василевский А.В. Мейле сон аравтозель прявтовкс Сахалинсэ, весе Курильской усиятнень лангсо. Кемевсь, ансяк сон тосонь се шкань тевтнень машты ютавтомо.

Анна Николаевна. Зярыя иеть тосо ульнинек.

Василевский А.В. Мезть ансяк эзть тейне Япониянь адмиралтнэ-генералтнэ, самурайтне.

Сынь каявкшность США-нь Пилс-Хаборонь лангс, ваявтсть карабляст. Ёвтнесть мель: азорт ансяк сынь, самурайтне. Саекшнызь весе Сахалин усиянть. Эрьва кува аравтсть самураень койть-кирдат. Саекшнызь Камчатка пельсусиянть видьс весе лия усиятнень. Сайсть пелькс Китаень масторстояк. Ков сакшность, нейке жо аравтнесть самураень койть-кирдат, эзть максо киненьгак эрямо эсь олясо. Эрьва таркасо аравтсть пряст азорокс весе тосонь эрицятнень лангсо, весе усиятнесэ. Чавсть, сезневсть «ёжов» бомбасо минек командиртнэнь, якстереармеецтнэнь.

Анна Николаевна: Монень савсь аштемс Максим Алексеевичень вакссо весе неть иетнень перть.

Василевский. А. В. Ков молят, эдь мольсь война.

Анна Николевна. Содави, истя савсь эрямскак. Эно кода лиякс?

Эдь Хирохито Япониянь императорось тейнесь салава кортавкст - кинь лангс икелепелев каявомс. Мелезэль стямс, кода Гитлер, весемень лангсо покшокс, келя Гитлердэ мейле Моданть лангс эзь кадово вейкеяк паро панкске. Мейле уш Нагума, Коноэ, Катаяма, Тодзио каявсть США-нть лангс, кона анокстась вий ванстомс весе Азиянть, Индонезиянть.

Изнямсто самурайтне пинжнить «Банзай!». Потамстост сеерить «Харокире» ды сынсь шокиеть пекезэст кулома пеель.

Пезэ сы номерсэ.



1000-ЛЕТИЕ БЕЗ МАСКИ

КОРОВОЙ СТОЛ НЕ НАЗЫВАЮТ

2012 год – год газеты «Эрзянь Мастор»

«Эрзянь Мастор» в Интернете

= Вана те эрзя! =

РПЦ ПЛЮС «ЕДИНАЯ РОССИЯ»?

Таблица в духе Новой версии

Слово за вами, земляки!

Кукушка, кукушка, сколько нам лет?

Кукушка, кукушка, сколько нам лет?

Нам пишут

В ЧЕМ РАЗЛИЧИЕ МЕЖДУ ЭРЗЯНСКИМ И МОКШАНСКИМ ЯЗЫКАМИ?

Эрзянские письмена X века

ЛЕДСТНЕМАТ. Петр Казаков

Од книгат

Мекс истя лемдия

Морот

Фонд «Пургаз»



главная новости архив номеров ссылки гостевая книга