На главную страницу 
cделать стартовой   в избранное  



Культурно-просветительская газета татарской общины Республики Мордовия

Мордовия - Информационный портал Республики Мордовия - Морис.ру

Мелькужо Эрзянь Мастор - Форум Страна эрзян, эрзянский форум

Голос Эрзи


Эрзянь келесь кувсесь, морась, арсесь!

Чадыконь 16-це чистэ, Саран ошсо, Эрзянь ды Мокшонь драмань театрасо, Эрзянь Келень идема Фондось тешкстызе Эрзянь Келень чинть. Те покш чись васенцеде ютавтозель 1993 иень панжиковсто. Ютавтыцязоль Эрзянь келень идема Фондось. 1994-це иестэ сон алтазель А.П. Рябовонь сядоце чачома чинстэнь. Тедеде топодсть 120 иеть, кода чачсь те инеломанесь, раськензэ вечкицясь, ды конань 1938 иень панжиковонь 23-це чистэ СССР-Россиянь палачтне ильтизь тоначив. Чумозо вейкель – мекс эрзяль ды сёрмадсь эрзятненень сон, «националистэсь», книгат, тонавтсь ловномо-сёрмадомо…

Пурнавкшность, эрьва кодат пирявкстнэнь лангс апак вано, 200 малава. Панжизе ветямлувонть «Торама» ансамблясь «Косо Тюштянь Масторозо» моросонзо. Сеске Цыганкин Дмитрий Васильевич профессорось, кода сехте сыресь, кирвазстизе раськень штатолонть. Теде мейле Атянь эземесь кундась топавтомо умок арсезь ветямонь лувонть. Васняяк, ульнесь яволявтозь кинень максови 2013 иень А.П. Рябовонь лемсэ Казнесь ды Лауреатонь лемесь. Истямокс Эрзянь келень идема Фондонь ветямкуронть мелензэ топавтозь кармась Чингаев Леонид Анатольевич (Чингаень Ёндол), Горьяновка велень школань прявтось (Саран ош).

Ветямонь коентень совась ды тень эйсэ мазылгавтызе сонзэ Казнень максомась сехте парсте эрзякс сёрмадыяцятненень. Те Боляень Сыресь, Подгорнова Алина ды Числав Журавлёв (сындест седе келейстэ ёвтневи омбоце ёнкссонть). Теде мейле казнеть, шнамо лопат максозельть эрзянь келенть кис лия аштицятнень.

Эрзянь Келень Чинть омбоце пельксэзэ – вал кирдема теезденть Фондсонть 2013-це иень перть. Ёвтнесь топавтозденть ветямкуронть прявтозо Мусалёв Г.Д. Пурназель од ветямкуро. Кадовсть эйзэнзэ некеть: Кшуманцянь Пиргуж (Мусалев Г.Д), Кузоватонь Улине (Кузоваткина О.В.), Нуянь Видяз (Четвергов Е.В.), Калаганонь Керяз (Рябов П. В.), Шарононь Сандра (Шаронов А.М.), Эрзяень Ванё (Эрзяйкин И.Ф.), Чингаень Ёндол (Чингаев Л.А.).

Промкссонть ульнесть видьстэ ёвтазь, апак пеле пшти кортамот тувталтнэде, конатне сельмень неезь ды визьксэнь апак сода куловтыть эрзянь келенть. Васень калмицятне, а савкшны кавтолдомс, власттне. Сындест мольсь кортамоськак.

Мазылгавтызь Кенярксчинэк морокурось "Толава" ды Лияна Бакайкина.

****

Эрзянь Келень Чись тедеде, 2014-це иестэ, ютась ламонь таркава: Калининград, Москов, Пенза (Пазелвеле), Отрадное (Самара ёнкс), Лукоянов, Пикшня (Нижной ёнкс), Красноярск, Мордовиянь ламо велетнева ды лия-лия таркава. Кецнеде, эрзят, кирдеде каштанчи – те алкукскак ине Чинть «чачтызь» 1993-це иестэ чачома келест кис аштиця Эрзят, эрзянь келень идема Фондось. Панжиковонь кеняркст тенк, вечкевикс ловныцят!

Питне ютавтозь Читненень макстано сы номерсэ.



Эрзянь келесь кувсесь, морась, арсесь!

Эрзянь кель. Серафима Люлякина

РЯБОВ АНАТОЛИЙ ПАВЛОВИЧ

ЛАУРЕАТ ПРЕМИИ ИМЕНИ А.П.РЯБОВА ЗА 2013 ГОД

Главе Республики Мордовия Волкову В.Д.

ВОПРОСЫ НА ГОЛОСОВАНИЕ УЧАСТНИКОВ ДНЯ ЭРЗЯНСКОГО ЯЗЫКА (16.04.2014)

"Руця" яволявты изницятнень лемест

Чачом келесь парот пандсы

ОПЯТЬ «ЗНАЙ СВОЙ ШЕСТОК»

"ОТЕЦ ТЕЛЕВИДЕНИЯ" В.К. ЗВОРЫКИН

Эрзянь Инекужонь топавткуронть пельде куляпачтямось

Жмут на всю железку!

В Казани полиция выгнала Курултай татар из арендованного помещения на улицу

Будем знакомы: Лияна Бакайкина

В Тольятти прошел творческий вечер эрзянской писательницы

Эрзянь лемень пусмо

«КАКИХ ФАМИЛИЙ ТОЛЬКО НЕТ!»



главная новости архив номеров ссылки гостевая книга