На главную страницу 
cделать стартовой   в избранное  



Культурно-просветительская газета татарской общины Республики Мордовия

Мордовия - Информационный портал Республики Мордовия - Морис.ру

Мелькужо Эрзянь Мастор - Форум Страна эрзян, эрзянский форум

Голос Эрзи


Мейсэ эрзятне явовить лия раськетнестэ?

Эрьва раськесь явови лия раськетнень эйстэ. Явовить раськетне чамасояк, рунгосояк, койсэяк, кельсэяк, культурасояк, эсь прянь ветямосояк. Явови лия раськетнень эйсэ Эрзя раськеськак. Мейсэ? Терявтьсынек арсемс-онкстнемс те явоманть.

- Эрзятне шождасто миить эсь раськенть. А аштить эсь раське лемест кис. Мерсть верде эрзянтень: - Ты мордвин! Эрзясь: - Да, мон «мордовка»…. Келесткак а велявтови тень каршо меремс: - Нет! Я не «мордовка»! Я – ЭРЗЯНКА!!!

Эрзятне шождасто кадыть-стувтыть тиринь эрзянь келенть. Понги эрзянь велес куш вейкине рузокс кортыця. Эрзятне сеске весе «по-руски кортыкают». Понги эрзясь лия раськень ошос-велес, эрзякс сеске лотки кортамо, прянзо рузокс кирди-невти.

- Лия раськетне, васняяк, вечксызь эсь раськень келест, эрзясь васняяк вечки рузонь келенть.

- Лия раськетне вечксызь васняяк эсест культураст, эрзятне васняяк вечксызь рузонь культуранть.

- Лия раськетне озныть пазнэнь эсь тиринь кельсэ, эрзясь озны рузонь кельсэ.

- Лия раськетне якить озномо эсест ознома кудос, эрзятне якить озномо рузонь церьковас.

- Лия раськетне ванстыть-тешкстыть эсь раськень покшчист. Эрзятне тешкстнить рузонь покшчитнень.

- Лия раськетне эсь эйкакшост васняяк тонавтыть кортамо тиринь кельсэ, эрзятне тонавтыть эйкакшост кортамо рузонь кельсэ.

- Лия раськетне маралякс-героекс ловить эсь раськень ломантнень, эрзятне – рузонь раськень ломантнень.

- Лия раськетне ваныть мелест сеть эсь раськень ломантнень, конат аштить тиринь раськенть кис, эрзятне сюдыть-сялдыть «националистэкс» сеть эрзятнень, кить максыть вайгель эрзя раськенть кис.

- Лия раськетне бажить содамо эсь раськень историяст, эрзятне – кемить ансяк рузонь историяс.

- Лия раськетне лемдить эсь раськест РАСЬКЕКС (народ, нация), эрзятне эсь раськест лемдить племакс, субэтносокс, пельс раськекс, апак кенере раськекс.

- Лия раськетне бажить ютавтомс лия раськень кинигатнень эсь кельс, эрзятне капшить ютавтомо эсь сёрмадовксост рузонь кельс.

- Лия раськетне чарькодить: раськесь эри – зярс эри тиринь келесь. Эрзятне пряст шныть: - Я – «русскоговорящий мордвин»!

- Лия раськетне ловныть эсь кельсэ книгат, журналт, кулялопат. Эрзятне ловныть ансяк рузокс.

- Лия раськетне эсь юткова кортнить эсь кельсэст. Эрзятне эсь ютковаяк кармасть кортнеме рузокс.

- Лия раськетне теить вейсэндявкст, конатнень вельде пурныть вейс эсь раськест, эрзятне изнясть тееме ансяк 3-4 эрзянь вейсэндявкст.

- Лия раськень ломантне мейсэ а мейсэ лездыть эсь раськень вейсэндявкстнэнень, эрзянь тевтненень, эрзясь лезды РПЦ-нень, лия рузонь тевтненень-вейсэндявкстнэнень.

- Лия раськетне каштангалить эсь раськелемсэст, эрзятне ёртыть сонзэ, полавтыть рузонь раськелемс.

Лия раськетне лездыть эсь раськень ломантненень, конат раськень тевть топавтыть, эрзятне сялдыть эсь раськень ломантнень, конат эрзянь тевть топавтыть.

- Лия раськетне мелявтыть, кода ванстомс эсь раськенть, эрзятне мерить эрзянь раськенть ёмамонзо коряс, те келя «естественная ассимиляция».

- Лия раськетне ванстыть эсь келест, тонавтнить эйсэнзэ, косо иляст эря, эрзятне пеняцить школанть лангс, чумондыть тетяст-аваст, ансяк сынсь а тонавтыть тиринь келенть.

Ды истя седе тов… Истя эрзятнестэ лиси «русскоговорящий мордвин»-руз.

Видеть неть мельтне, эрзят, эли а видеть? Ёвтынк, инеськеть меленк…

Эрюшонь Вежай,

Мурман ёнкс



НАВСТРЕЧУ ВЫБОРАМ! За кого голосовать?

Гитлер так поступил. А Чингисхан!?

ИЛЬЯ МУРОМЕЦ - РУССКИЙ ИЛИ ПРЕДСТАВИТЕЛЬ ВЫМЕРШЕГО ЭТНОСА?

... И о работнике его Балде

Егор Холмогоров: «Мои предки были финно-уграми»

Это интересно!

ОЙМЕНЬ КЕПЕДИЦЯ СЁЛТ

Мейсэ эрзятне явовить лия раськетнестэ?

Альберт Эйнштейнонь 10 прянь ветямо койтне

Дан-Тананс-Тоначис

У «Поладкстомо» есть «поладкс»?

УМАРЬ МОРОТ. Леонид СЕДОЙКИН

Пойма. Виктор Баркин

Моратано моро!

Телефононь кортамо)))



главная новости архив номеров ссылки гостевая книга