На главную страницу 
cделать стартовой   в избранное  



Культурно-просветительская газета татарской общины Республики Мордовия

Мордовия - Информационный портал Республики Мордовия - Морис.ру

Мелькужо Эрзянь Мастор - Форум Страна эрзян, эрзянский форум

Голос Эрзи


Ёмавкс раськенек туртов...

Медьковонь 23-це чистэ кувать сэредемадо мейле кулось минек вечкевикс, свал газетас сёрмадыцянок, свал газетань сёрмадстыцянок Мацьказонь Лёфай (Лежиков Алексей Лукьянович).

Лежиков А.Л. чачсь 1941 иень чадыковонь 14 чистэ Москов ёнксонь Люберцы ошсо, важодицянь кудораськесэ. Эйкакшпингезэ ютась Пенза ёнксонь Шемышеень буень Эрьмеёв велесэ. 1969 иестэ прядызе Московонь раськеютконь институтонть. Теде мейле важодсь Турциясо, Ливиясо, Болгариясо. 1986 иестэ саезь — «Азия и Африка» журналонь корреспондент, 1989 иестэ саезь — Сириясо, спецкорр. малавикс Чилисема ёнксонь мастортнесэ. Ламо сёрмадсь «Эрзянь Мастор» ды «Эрзянь правда» газетатнес, «Сятко» ды «Чилисема» журналтнес. 1991 иестэ лиссь «Каргонь ки» книгазо, 2011-це иестэ нолдазель «Мезть ульнесть весть: ёвтнемат, ледстнемат, ёвкст, стихть» пусмозо.

2004 иестэ Эрзянь келень идема Фондось эрзянь келенть ванстоманзо кис казизе А.П.Рябовонь казнесэнть ды макссь Лауреатонь лем.

Теде башка, Лёфай эсензэ ярмак лангс сёрмадстнесь «Эрзянь Мастор» газета Пенза ёнксонь Шемышей буень 10 эрзянь школатнева!

***

Явдано седейризкс малавиксэнзэ, ялганзо-оянзо туртов. Лёфай атя, тон миненек а кармат сатнеме!

Мусалев Г.Д., Кузоваткина О.В., Рябов П.В., Шаронов А.М., Эрзяйкин И.Ф. ды весе газетань ловныцятне.

***

- Нуянь Видяз: Лия, истямо ламонь содыця, валонь тансть мариця ды чевте пеедькшниця ломань марто, эзинь вастневе. Сон мелень ванозь урендясь (служась) отечествантень, вечксь пингензэ перть - Чачома Масторонзо - Эрзянь Масторонть. Те ульнесь чуросто вастневиця ойметнестэ вейкесь.

- Юлия Цыпина: Пек талновтыця раужо куля - эрзянь валдо ойме Иневанькс седей ломань - покш седейрискс - ёмавкс раськензэ - содыцянзо туртов... а кемевияк - свал учат пельдензэ мезеяк од, домка - смустев сермадовкс... еще эрямаль ды эрямаль тензэ....

- Борис Ерюшов: Сюмордан нусманя кулянть кувалма.... Валдо тештекс ульнесь Лёфай лелясь эрзянь эрямо менельсэнть. Превензэ, содамочинзэ тенек пек кармить а сатомо...

- Василий Урайкин: Сюконян мельганзо, Инешкипазось эрзянь ойменть сайсы валдо менель-верьксэнь олячис...

- Римма Жегалина (Бочкарева): Сюконян Алексей Лукьяновичнень. Пазонь масторс понгозо сонзэ валдо оймезэ!

***

Йовлань Олонь лемсэ «Этно-кудо» музейсэ ледстизь Мацьказонь Лёфаень валдо лемензэ.

- Сэтьме удома теть, Лёфай ялганок-лелянок...



Ёмавкс раськенек туртов...

Раужо куля копачимизь минек...

ИСКОВОЕ ЗАЯВЛЕНИЕ

ОБЪЕДИНЕННЫЕ АРАБСКИЕ ЭМИРАТЫ.

*СЁРМАДСТОМА * CЁРМАДСТОМА*СЁРМАДСТОМА*

ПОЧЕМУ САМАРА – НЕ САРАНСК

РЕСПУБЛИКА КАРЕЛИЯ - В КНИГУ РЕКОРДОВ ГИННЕСА

«Эрзянская Родина - Эрзянь Мастор!»

ЧЕМУ УДИВИЛИСЬ ЭСТОНЦЫ

Фестиваль финно-угорской кухни в Удмуртии

Кавто одирьват. ЁВТНЕМА. Дригань Толай

КОДА ПОПОНТЬ ЛИКШАЗО МЕКЕВ СТЯСЬ

Пеедькшнемат

Стихи. Александр Шаронов



главная новости архив номеров ссылки гостевая книга